Pavlodarda «Qaıyrymdy ister marafony» jalpyulttyq jobasy aıasynda «Meniń taza álemim» chellendji bastaldy. Uıymdastyrýshylar – «ARCUS» damý ortalyǵy jáne «Alramı» mentaldy aýytqýlary bar tulǵalarǵa arnalǵan qoǵamdyq birlestik klýb úıi.
Chellendjdi 30-dan astam adam qoldady. Olardyń ishinde «Alramı» klýb úıi men «ARCUS» damý ortalyǵynyń músheleri, «Qazaqstan alıýmınııi» AQ jáne «Jasyl el» jastar jasaqtarynyń eriktileri, belsendiler, mentaldy aýytqýlary bar adamdar jáne nemquraıdy emes azamattar bar. Qatysýshylar Ertis ózeniniń jaǵalaýyn tazalap, 40 qap qoqys jınady.
«Alǵash ret mundaı senbilikti biz 2019 jyly ótkizdik. Sodan beri bul biz úshin jaqsy dástúrge aınaldy. Biz mindetti túrde chellendjimizdi jalǵastyramyz jáne aldaǵy ýaqytta áleýmettik jelilerde senbilikter týraly habarlaıtyn bolamyz. Barlyq nıet bildirýshi bizben birge qatysa alady. Tabıǵatty baǵalaıyq jáne búldirmeıik! О́ıtkeni bul – bizdiń densaýlyǵymyz ben bolashaq urpaqtyń densaýlyǵy», dedi «ARCUS» damý ortalyǵynyń jetekshisi Alına Batareeva.
Uıymdastyrýshylardyń aıtýynsha, bul aksııa halyqtyń ekologııalyq mádenıetin qalyptastyrýmen qatar, psıhonevrologııalyq aýrýlary bar adamdardyń áleýmettenýine yqpal etedi.
Aıta ketý kerek, bıylǵy 24 shildede ár óńirde jartastar men sý aıdyndaryn tazartý boıynsha aýqymdy ekoaksııa ótedi jáne olarǵa kez kelgen adam qosyla alady.
Marafonǵa #QAIYRYMDYISTERMARAFONY #MARAFONDOBRYHDEL resmı heshtegterimen áleýmettik jelilerde óz ıgi isterin bólise otyryp, kez kelgen adam qosyla alady.
Barlyq uıymdastyrý máseleleri boıynsha úılestirýshilerge kórsetilgen telefon nómirleri boıynsha habarlasýǵa +7 701 513 55 00, +7 7172 79 15 32, nemese Instagram-daǵy @qaiyrymdy_ister_marafony akkaýnty arqyly baılanysqa shyǵýǵa bolady.
«Egemen-aqparat»