Dúnıejúzilik densaýlyq saqtaý uıymynyń bas ǵylymı qyzmetkeri adamdarǵa COVID-19-ǵa qarsy vaksınany ár túrli óndirýshiden saldyrmaýǵa keńes berip, muny «qaýipti úrdis» ekenin atady, óıtkeni onyń densaýlyqqa áseri týraly málimetter az, dep habarlaıdy Egemen.kz.
Dúnıejúzilik densaýlyq saqtaý uıymynyń (DDSU) bas ǵylymı qyzmetkeri Sýmıa Svamınatan DDSU-nyń Jenevadaǵy shtab-páterinde COVID-19-dyń órshýine baılanysty Birikken Ulttar Uıymynyń Jeneva korrespondentter qaýymdastyǵy (ACANU) uıymdastyrǵan baspasóz konferensııasyna qatysty.
«Bul azdap qaýipti úrdis. Bizde aralastyrý men sáıkestikke qatysty málimetter men dálelder joq. Adamdar ekinshi, úshinshi jáne tórtinshi dozany qashan alatynyn ózi sheshe bastasa, elderde abyr-sabyr bastalady», dedi Sýmıa Svamınatan onlaın-brıfıngte.