Qyzylorda qalalyq Polısııa basqarmasynyń kezekshi bólimine qala ortalyǵynda ornalasqan meshitterdiń biriniń ımamy aryz túsirdi, dep jazady Egemen.kz «Syr boıy» basylymyna silteme jasap.
Aryzdanýshynyń aıtýy boıynsha, belgisiz bireýler meshittiń plastık terezesiniń toryn kúshtep ashý arqyly kirip, sadaqa jáshiginen aqsha urlap ketken. Keltirilgen shyǵyn eseptelýde.
Polısııa basqarmasynyń jedel ýákilderi jedel-izdestirý is-sharalaryn ótkizý barysynda kúdikti ustaldy jáne ol osy qylmysqa qatysy bar ekenin moıyndady.
Atalǵan derek boıynsha Qazaqstan Respýblıkasy Qylmystyq kodeksiniń 188-babynyń 3-bóligi 3-tarmaǵyna (Turǵyn, qyzmettik nemese óndiristik úı-jaıǵa, qoımaǵa ne kólik quralyna zańsyz kirýmen jasalǵan urlyq) sáıkes qylmystyq is qozǵalyp, tergeý amaldary júrgizilýde.