«Qazgıdromet» RMK 6-12 shildede atmosferalyq aýanyń sapasy týraly apta saıynǵy aqparattyq anyqtamasymen bólisti, dep habarlaıdy Egemen.kz.
Anyqtamaǵa sáıkes, Jezqazǵan eń lastanǵan qala bolyp tanyldy. Qalanyń M.Jalıl kóshesinde aýa lastanýynyń shekti ruqsat etilgen normalardan asyp ketýdiń 432 jaǵdaıy tirkelgen.
Ekinshi orynǵa Nur-Sultan qalasy ornalasqan, onda aýanyń eń las aımaǵy Túrkistan kóshesi men Respýblıkalyq fızıka-matematıka mektebiniń mańy boldy. Normadan asyp ketýdiń 419 jaǵdaıy tirkeldi.
Alataý aýdany, Almaty Arena muz saraıy men Momyshuly kóshesinde 274 jaǵdaı tirkelgen Almaty qalasy da úshtikke kergen.
Tórtinshi oryndy ıemdengen Qaraǵandy qalasyndaǵy 3-shi Kochegarkı (Prıhshahtınsk) aýdanynda 255 jaǵdaı tirkeldi.
Besinshi orynda Aqtóbe ornalasqan. Rysqulov kóshesi aýdanynda qalanyń aýasy eń lastanǵan bolyp shyqty. Onda 34 jaǵdaı tirkelgen.