Iz-túzsiz joǵalyp ketken О́zbekstan azamatshasy Almatyda aman-esen tabyldy, dep habarlady Egemen.kz Polisia.kz saıtyna silteme jasap.
Buǵan deıin BAQ-ta 39 jastaǵy О́zbekstan azamatshasy Qazaqstanda joǵalyp ketkeni, týystary bir jyldan beri baılanysqa shyǵa almaı júrgendigi týraly aqparat taraǵan bolatyn.
«Bul másele boıynsha SIM arqyly eshqandaı resmı málimdeme bolǵan joq. Soǵan qaramastan jedel-izdestirý sharalary júrgizilip, nátıjesinde áıel tabyldy.
Áıeldiń «Tastaq» shaǵyn aýdanyndaǵy kafelerdiń birinde jumys isteıtindigi, biraq qalanyń Medeý aýdanynda turatyndyǵy anyqtaldy. Ol óziniń týystarymen jeke máseleler boıynsha jáne turaqty tabystyń joqtyǵyn eskere otyryp baılanyspaǵanyn túsindirdi. Sondaı-aq áıel ázirge úıge barmaıtynyn aıtty», dep habarlady Almaty qalasy PD Krımınaldyq polısııa basqarmasynyń bastyǵy Qýatbek Naýatov.