Qazgıdromet 14 shildege arnalǵan aýa raıy boljamyn jarııalady, dep habarlaıdy Egemen.kz.
Ońtústik Kaspıı sıklony búgin de respýblıkanyń kóp bóligine óz áserin tıgizedi, sondyqtan qubylmaly aýa raıy saqtalady, jańbyr jaýyp, naızaǵaı oınaıdy.
Eldiń soltústiginde, soltústik-shyǵysynda jáne shyǵysynda nóser jańbyr jaýady. Tek ońtústik-batys pen batysta kún ashyq. Respýblıkanyń keı jerlerde daýyl, burshaq, jeldiń kúsheıýi, ońtústik pen ońtústik-batysynda shańdy daýyl, soltústikte tuman kútiledi.
Soltústik Qazaqstan oblysynyń keı jerlerinde daýyl turyp, burshaq jaýady, jeldiń jyldamdyǵy 15-20, ekpini 23-28 m/s.
Shyǵys Qazaqstan oblysynyń keı jerlerinde daýyl bolyp, jel kúsheıedi, kúndiz burshaq túsedi.
Aqmola, Almaty oblystarynda jeldiń jyldamdyǵy 15-20, ekpini 25 m/s jetedi.
Aqmola oblysynyń keı jerlerinde burshaq, tuman kútiledi. Jambyl, Qostanaı, Pavlodar, Qaraǵandy oblystarynyń keı jerlerinde jel kúsheıedi. Jambyl, Pavlodar oblystarynda burshaq jaýady.
Túrkistan, kúndiz Qyzylorda, Batys Qazaqstan oblystarynyń keı jerlerinde jeldiń 15-20 m/s jetedi, Qyzylorda, Túrkistan oblystarynyń keı jerlerinde shańdy daýyl turýy yqtımal.
Qyzylorda, Túrkistan, Mańǵystaý, Atyraý, Jambyl oblystarynyń basym bóliginde, Almaty, Aqtóbe, Batys Qazaqstan oblystarynyń keı jerlerinde, Qostanaı, Qaraǵandy oblystarynyń ońtústiginde órt qaýpi saqtalady.