Christie’s aýksıonynda Leonardo da Vınchı salǵan aıý basynyń nobaıy satyldy. Ony 8,9 mıllıon fýntqa (shamamen 12,3 mln AQSh dollary) satyp aldy. Aıta keteıik, bul – ıtalıan sýretshisiniń týyndysy úshin rekordty qarjy.
«Sýret – Leonardo da Vınchıdiń syzbashy retindegi sheberliginiń keremet dáleli», delingen aýksıon úıiniń Twitter-degi habarlamasynda. Nobaı – qyzǵylt-aqshyl sary qaǵazǵa kúmis qaryndashpen salynǵan 7x7 sm ólshemdi sýret. Ol 1480 jyldardyń birinshi jartysynda salynǵan. Bul – sýretshiniń qoltańbasy bar birneshe týyndylarynyń biri. Satyp alýshynyń esimi jarııalanǵan joq. Al budan burynǵy rekord Leonardo Da Vınchıdiń «Jylqy men salt atty» týyndysy úshin ornatylǵan edi. Onyń quny £8,1 mıllıonǵa baǵa-landy.