Jambyl oblysy Jańatas qalasynda kóppáterli turǵyn úıdegi órt sóndirilip, 5 adam qaýipsiz jerge kóshirildi, dep habarlaıdy Egemen.kz.
13 shildede Jambyl oblysy TJD О́rt sóndirý qyzmetiniń «101» telefon nómirine Sarysý aýdany Janatas qalasy 4 shaǵyn aýdanyndaǵy kópqabatty turǵyn úıdiń janynda tal jáne turmystyq zattar órtengeni jóninde habarlama kelip túsken.
Oqıǵa ornyna Jańatas qalasy №16 órt sóndirý bóliminen órt sóndirý tehnıkasy men 3 adam shyqqan. Bul týraly TJD baspasóz qyzmeti habarlady.
«Oqıǵa ornyna jetken órt sóndirýshiler órttiń kópqabatty turǵyn úıdiń balkonyna taralǵanyn anyqtap, jedel túrde órt sóndirý jumysyna kiristi. Nátıjesinde órttiń páter ishine taralýynyń aldyn alǵan. Oqıǵa ornynan 5 adam qaýipsiz orynǵa kóshirildi», delingen vedomstvo habarlamasynda.
О́rtten zardap shekkender joq. О́rt aýmaǵy 40 sharshy metrdi qurady. Qazirgý ýaqytta tilsiz jaýdyń shyǵý sebebi anyqtalyp jatyr.