Atyraýda koronavırýs ınfeksııasyn juqtyrǵan 55 naýqas jansaqtaý bóliminde jatyr, dep habarlaıdy Egemen.kz.
Atyraý oblysy Densaýlyq saqtaý basqarmasynyń baspasóz qyzmeti búgingi kúni ınfeksııalyq stasıonarda 824 adam em qabyldap jatqanyn habarlady.
2428 tósek-orynǵa eseptelgen ınfeksııalyq stasıonar qazir 33,9%-ǵa toltyrylǵan. Al 180 orynǵa eseptelgen reanımasııa bólimshesinde 55 pasıent bar.
«Alty naýqas ókpeni jasandy jeldetý apparatyna qosylǵan. Olardyń tolymdylyǵy 50,9%-ǵa jetti», dep tolyqtyrdy vedomstvonyń baspasóz qyzmeti.
Eske sala ketsek, epıdemııalogııalyq jaǵdaıdy baǵalaý matrısasyna sáıkes Atyraý oblysy «qyzyl» aımaqta ornalasqan.