5 mln teńgeniń grantyn jeńip aldy

«Qazir bizben plastıkten ja­salǵan ónimderdi qajet etetin iri zaýyttar birge jumys istep jatyr. Lıtıı mashınasy bir aýysymda 10 myń dana ónim shyǵarýǵa múmkindik beredi. Grant – bul kásipkerlerge memleket tarapynan kórsetilgen úlken qoldaý», deıdi kompanııa basshysy Irına Abasova.

Kompanııa 2015 jyly shaǵyn óndiristik seh retinde qurylǵan. Olar baspaldaqtarǵa arnalǵan shtepselderdi, ónerkásiptik sor­ǵy­larǵa arnalǵan bólshekterdi, jeke dızaın boıynsha plıtkalardy tegisteýge arnalǵan buryshtar men bekitpelerdi shyǵardy. Sonymen qatar kompanııa keı ónimderin, aıtalyq, fýtbol qaq­pa­laryna torlardy bekitýge arnalǵan bólshekterdi Reseıge eksportqa jiberdi.

«Biz kez kelgen óndiriske qyz­met kórsete alamyz. Birde ıoga­men aınalysatyndar bizge ar­naıy pıramıdalarǵa tapsyrys bergen, olardyń Almatyda úlken kongresi bolǵan. Taǵy bir kásipkerdiń ótinishi boıyn­sha «Qazaq handyǵy» oıynyn qurýshy úshin biz kıiz úı tú­rindegi músinderdi quıdyq. Lok­daýn kezinde antıseptıkterge arnalǵan tósemder shyǵardyq, olar Qytaıdan búlinip kelgen eken, biz jyldam jóndep, qaıta shyǵardyq. Qytaıda 5-10 myń dana bolatyn shaǵyn partııaǵa tapsyrys bere almaısyz, onda mundaı kólemde tapsyrys qabyl­damaıdy», deıdi Irına.

Jaqynda seriktesterdiń usy­­nysy boıynsha SCI Compa­ny kom­panııasy Qazaqstannyń mashına jasaý qaýymdastyǵyna qosyldy. Kompanııanyń maqsa­ty úlken – óz brendimen jap­paı óndiristi iske qosý, iri zaýyt deń­geıine jetý. Al qazir kompanııa basshysy tapsyrystar­dyń joqtyǵyna shaǵymdan­baý kerek ekenin aıtady, sebebi Qazaqstanda tapsyrys berýshi­ge jaqsy servıs usynyp, klıenttermen kommýnıkasııa qura alatyn usaq óndirister áli de jetkiliksiz.

ALMATY