Belgili dintanýshy, Qazaqstan musylmandary Dinı basqarmasynyń burynǵy basshysy Ábsattar qajy Derbisáli ómirden ótti, dep habarlaıdy Egemen.kz.
Qaraly habardy aqparat jáne qoǵamdyq damý mınıstri Aıda Balaeva Instagram áleýmettik jelisindegi paraqshasynda jetkizdi.
– Belgili dintanýshy, shyǵystanýshy, ıslamtanýshy ǵalym, Ábsattar qajy Derbisáliniń ómirden ozýyna baılanysty marqumnyń otbasy men jaqyn-týǵandarynyń qaıǵylaryna ortaqtasyp kóńil aıtamyn. Bul búkil qazaq rýhanııatyna ortaq aýyr qaıǵy. Ábsattar Baǵysbaıuly búkil sanaly ǵumyryn ımandylyqqa arnap, asyl dinimizdiń týra jolyn halyqqa durys jetkizý isine ólsheýsiz eńbek sińirdi. Elimizdiń Bas múftıi laýazymynda júrgen ýaqytta qajy aǵamyzben qyzmet barysynda jolyǵysyp turdyq. Qaı kezde de óziniń keń minezimen, tereń bilimimen, parasatty bolmysymen rýhanııat bıiginen kórinip, elimizdegi ultaralyq kelisim men dinaralyq tatýlyqtyń órken jaıýyna ólsheýsiz úles qosqan jan edi.
Ábsattar qajy aǵamyzdyń zııaly bolmysy, eline sińirgen eńbegi, jazǵan rýhanı shyǵarmalary, jamaǵatty ıman jolyna shaqyrýda aıtqan aqyl sózderi – eshqashan tozbas rýhanı qazyna bolyp halqynyń jadynda máńgilik saqtalady. Marqumnyń jatqan jeri jaryq, topyraǵy torqa bolyp, nury peıishte shalqysyn, - dedi ol.