Nur-Sultan qalasynyń bas sanıtar dárigeri Sarhat Beısenova elordadaǵy epıdemıologııalyq ahýaldy baıandady, dep habarlaıdy Egemen.kz.
«Elordada COVID-19 boıynsha qolaısyz epıdemıologııalyq jaǵdaı byltyrǵydaı Qurban aıt merekesin tolyq kólemde atap ótýge múmkindik bermeı otyr. Qalada sońǵy 3 kúnde táýligine 1000-nan astam koronavırýs ınfeksııasy tirkelgen. О́tken táýlikte 1549 jaǵdaı tirkelgen, ósim – 1,9%-dy qurady. Sońǵy aptada 7989 COVID-19 juqtyrý jaǵdaıy tirkeldi, bul aldyńǵy aptadan 44,23%-ǵa joǵary, jaǵdaılardyń ortasha táýliktik tirkelýi 950-den 1550-ge deıin ósti. 100 myń turǵynǵa shaqqanda syrqattanýshylyqtyń aptalyq kórsetkishi 540,7-den 672,2-ge deıin ósti, reprodýktıvtik sany – 1,3», dedi spıker Nur-Sultan qalasynyń ákimdigindegi brıfıngte.
Onyń aıtýynsha, kúrt ósýdiń negizgi sebepteri de burynǵydaı halyqtyń shekteý talaptaryn saqtamaýy, maska taqpaýy, ótken mereke kúnderi jappaı jınalatyn oryndarǵa barýy boldy.
«Buǵan deıin osyndaı ósim jańa jyl, 8 naýryz, 22 naýryz merekelerinen keıin baıqalǵan bolatyn. Sondaı-aq epıdemıologııalyq anamnezdi jınaý kezinde qaladan tys demalys oryndary men aımaqtaryna shyǵý, shomylý kezinde adamdardyń toptalýynan áleýmettik qashyqtyqtyń saqtalmaýy anyqtalyp otyr. Jalpy syrqattanýshylyqtyń 80,4%-yn eresekter, 16,7%-yn balalar jáne 2,9%-yn jasóspirimder quraıdy», deıdi S. Beısenova.
Naýqastardyń 22,7% - 30-39 jasta, 27,6% - 40-59 jasta, 16,3% - 18-29 jasta jáne 13,8%-y 60 jastan asqan egde jastaǵy adamdar.