33 jastaǵy azamattyń kóligi elordanyń Qosshyǵululy kóshesinde toqtatylǵan. Tintý kezinde gashısh esirtkisi oralǵan 13 polıetılen paket tabyldy, dep habarlaıdy Egemen.kz.
Mekenjaıy boıynsha úıin teksergende satýǵa arnalǵan taǵy 2 polıetılen paket, elektrondy tarazy, jáne basqa zattar tabyldy. Arnaıy operasııa kezinde 1 jarym keli esirtki tárkilendi. Polısııa qyzmetkerleri qolǵa túsken azamattyń sybaılastaryn anyqtaý úshin jedel izdestirý operasııasyna kiristi.
Atalǵan is boıynsha qylmystyq is qozǵalyp, qolǵa túsken adam qamaýǵa alyndy.