QR Premer-Mınıstriniń orynbasary Roman Sklıar Qostanaı oblysyna jumys sapary barysynda RF О́nerkásip jáne saýda mınıstrligi ókili Denıs Paktyń qatysýymen Qazaqstan-Reseı óndiristik kooperasııasy sheńberindegi ınvestısııalyq jobalardyń iske asyrylý barysyn tekserip qarady, dep habarlaıdy Egemen.kz.
Sapar barysynda óńirdi myńdaǵan jumys oryndarymen qamtamasyz etetin, avtomobıl jasaý salasyndaǵy, aýyl sharýashylyǵy tehnıkasy óndirisiniń, sonymen birge komponenttik bazanyń jańa aldyńǵy qatarly jobalary tabysty jumys isteıtin jáne iske qosylýǵa daıyndalyp jatqan, aımaqtyń ónerkásiptik múmkindikteri kórsetildi.
Sonymen, búgin «SaryarqaAvtoО́nerkásip» zaýytynda AVTOVAZ prezıdenti Nıkolıa Mordyń qatysýymen LADA avtomobılderin birlesip shyǵarý bastaý aldy. Demek, zaýyttyń óndiristik alańynda LADA avtokólikteriniń barlyq modelderi: Niva Travel, Niva 4h4, Vesta, X-RAY, Largus ı Granta shyǵarylatyn bolady.
LADA Granta avtomobılderiniń óndirisi avtokólikterdi boıaý operasııalaryn qoldanýmen qatar shaǵyn torapty ádisin (CKD) qamtıdy. Sonymen birge, qazirgi ýaqytta otandyq zaýytta LADA avtomobılin oqshaýlaýdy odan ári arttyrý maqsatynda osy modeldiń shanaqtaryn dánekerleý boıynsha joǵary tehnologııalyq óndiristik operasııalardy damytý jónindegi jumystar jalǵasýda.
О́ndiris úshin qajetti oqytýdan ótken jańa jumys oryndary uıymdastyryldy. Úkimettik delegasııa «Reno Reseı» bas dırektory Iаn Ptachektiń qatysýymen, jaqynda Arcana jáne Captur modelderin shyǵarý jónge keltirilgen «SaryarqaAvtoО́nerkásip» zaýytyndaǵy Renault óndiristik jelisiniń jumysyn qarap shyqty.
QR Premer-Mınıstriniń orynbasary «KAMAZ» JAQ bas dırektory Sergeı Kogogınmen jańa úlgidegi K5 KAMAZ jańa modeldik qatarynyń júk tehnıkasyna arnalǵan, shoıyn quımasy komponentterin shyǵaratyn KamLitKZ zaýyty qurylysynyń barysymen tanysty. QR Premer-Mınıstri orynbasarynyń qatysýymen jetekshi beldikterdiń basty berilisterin óndirý jónindegi KAMAZ zaýytyn salý jobasy boıynsha jańa ınvestısııalyq kelisimshartqa, sondaı-aq Qazaqstan Respýblıkasynyń Syrtqy ister mınıstrligi, Indýstrııa jáne ınfraqurylymdyq damý mınıstrligi men KamLitKZ arasynda osy komponentterdi ónerkásiptik qurastyrý týraly kelisimge qol qoıyldy.
Osy kelisimderdi jasasý KAMAZ kompanııasynyń Qazaqstan aýmaǵynda avtomobıl komponentteriniń zamanaýı joǵary tehnologııalyq óndiristerin qurý jónindegi iri ınvestısııalyq jobalaryn iske asyrý sheńberindegi taǵy bir qadam bolyp tabylady.
Qazaqstandyq óndiris ónimderi Naberejnye Chelny qalasyndaǵy (Tatarstan, RF) «KAMAZ» bas zaýytynyń konveıerine jetkiziletin bolady. Jańa jobaǵa salynǵan ınvestısııa shamamen 82 mlrd teńgeni quraıdy. Qazaqstan zaýytynda jáne onymen shektes salalarda 600-den astam jańa jumys orny qurylady. Joba «О́nerkásiptik Damý Qory» AQ qatysýymen júzege asyrylýda.
QR Premer-Mınıstri orynbasarynyń, RF О́nerkásiptik saýda mınıstrligi ókiliniń, «KAMAZ» JAQ bas dırektorynyń jáne «AVTOVAZ» AQ prezıdentiniń qatysýymen ótken kezdesý qorytyndysy boıynsha Qazaqstan aýmaǵynda jańa ınvestısııalyq jobalardy iske asyrý jónindegi 8 negizgi qujatqa qol qoıyldy.