О́ndiristik kooperasııalar damıdy

Sapar barysynda óńirdi myń­daǵan jumys ornymen qamtamasyz etetin avtomobıl jasaý sala­syn­yń, aýyl sharýa­shylyǵy teh­nı­kasy ón­dirisiniń, sonymen birge kom­ponenttik bazanyń jańa al­dyńǵy qatar­ly jobalary tabys­ty ju­mys isteıtin jáne iske qosylý­ǵa daıyndalyp jat­qan aımaq­tyń ónerkásiptik múm­kindikteri kórsetildi.

Sonymen, «Saryar­qaAv­to­О́ner­kásip» zaýytynda AVTOVAZ pre­zıdenti Nıkolıa Mor­dyń qa­tysýymen LADA avtomobılderin birlesip shyǵarý bastaý aldy. Demek zaýyttyń óndiristik ala­ńynda LADA avtokólikteriniń barlyq modeli: Niva Travel, Niva 4h4, Vesta, X-RAY, Largus ı Granta shyǵarylady. LADA Granta avtomobılderiniń ón­dirisi av­to­kólikterdi boıaý opera­sııa­la­ryn qoldanýmen qatar shaǵyn to­rap­ty ádisin (CKD) qam­tıdy. So­ny­men birge qazirgi ýaqyt­ta otan­­dyq zaýytta LADA avto­mo­bı­lin oqshaýlaýdy odan ári artty­rý ma­q­­satynda osy modeldiń sha­naq­­­taryn dánekerleý boıyn­sha jo­ǵary tehnologııalyq óndiris­tik ope­ras­ııalardy damytý ju­mystary jalǵasýda. О́n­di­­ris úshin qajetti jańa ju­mys oryndary uıym­dastyryldy.

Úkimettik delegasııa «Reno Reseı» bas dırektory Iаn Ptachektiń qatysýymen jaqynda Arkana jáne Kaptur modelderin shy­ǵarý jónge keltirilgen «Sa­ryarqaAvtoО́nerkásip» zaýy­tyn­­daǵy Renault óndiristik jelisi­niń jumysyn qarap shyqty. Qazaq­stan Premer-Mınıstriniń orynbasary «KAMAZ» JAQ bas dırek­­tory Sergeı Kogogınmen jańa úl­gi­­­degi K5 KAMAZ jańa mo­del­­dik qatarynyń júk tehnıkasy­na ar­nalǵan shoıyn quımasy kom­po­nent­terin shyǵaratyn KamLitKZ zaýyty qurylysynyń barysymen tanysty.

Roman Sklıardyń qatysýymen jetekshi beldikterdiń basty beri­listerin óndirý jónin­degi KAMAZ zaýytyn salý joba­sy boıynsha jańa ınvestısııa­lyq kelisimshartqa, sondaı-aq Qazaq­stan Syrt­qy ister mınıstr­ligi, In­dýs­trııa jáne ınfraqury­lym­dyq damý mınıstr­ligi men KamLitKZ arasynda osy kom­po­nentterdi ónerkásiptik qurastyrý týraly kelisimge qol qoıyldy. Qazaqstandyq óndiris ónimderi Naberejnye Chelny qalasyndaǵy (Tatarstan, RF) «KAMAZ» bas zaýytynyń kon­ve­ıerine jetkiziledi. Jańa jo­ba­ǵa salynǵan ınvestısııa sha­mamen 82 mlrd teńgeni quraı­dy. Qazaq­stan zaýytynda jáne ony­men shektes salalarda 600-den asa jańa jumys orny qury­la­dy. Joba «О́nerkásiptik Damý Qory» AQ qatysýymen júzege asyrylýda. QR Premer-Mı­nıstri oryn­basarynyń, RF О́ner­kásip­tik saýda mınıstrligi ókili­niń, «KAMAZ» JAQ bas dırek­torynyń jáne «AVTOVAZ» AQ prezıdentiniń qatysýymen ótken kezdesý qorytyndysy boıynsha Qazaqstan aýmaǵynda jańa ınvestısııalyq jobalardy iske asyrý jónindegi 8 negizgi qujatqa qol qoıyldy.