Dúısenbide elimizdiń soltústigi men ortalyǵynda jel kúsheıip, jańbyr jaýady, ońtústigi men batysynda ystyq bolady, dep habarlaıdy Egemen.kz.
19 shildede sıklonǵa ákelgen atmosferalyq aǵynǵa baılanysty Qazaqstan aýmaǵynyń basym bóliginde qubylmaly aýa raıy saqtalady – jańbyr jaýyp, naızaǵaı oınaıdy, keı jerlerde burshaq jaýady, tek eldiń ońtústigi men batysynda kún raıy ashyq bolady.
Keı jerlerde jel kúsheıedi, ońtústikte shańdy daýyl soǵady, soltústikte jáne ortalyqta túnde jáne tańǵa jaqyn tuman túsýi múmkin.
Shyǵys Qazaqstan, Qaraǵandy, Qostanaı oblystarynyń keı jerlerinde naızaǵaı oıynap, jel 15-20 m/s kúsheıedi, túnde Qaraǵandy oblysynyń keı jerlerinde tuman túsedi.
Batys Qazaqstan, Aqtóbe oblystarynda shańdy daýyl soǵýy yqtımal, kúndiz jel 15-20 m/s kúsheıedi.
Jambyl oblysynda kúndiz taýly aýdandarda naızaǵaı oınap, burshaq jaýady, shańdy daýyl soǵady, jel 15-20 m/s kúsheıedi.
Pavlodar oblysynda naızaǵaı oınap, tuman túsedi, jel 18 m/s kúsheıedi.
Qyzylorda, Túrkistan oblystarynda kúndiz jel 15-20 m/s kúsheıip, shańdy daýyl soǵady.
Aqmola, Soltústik Qazaqstan oblystarynyń keı jerlerinde, Almaty oblysynyń taýly aýdandarynda naızaǵaı, Soltústik Qazaqstan oblysynyń keı jerlerinde túnde jáne tańerteń tuman túsýi múmkin.
Kúndiz Túrkistan, Qyzylorda, Aqtóbe, Atyraý, Batys Qazaqstan, Mańǵystaý oblystarynyń basym bóliginde, Qaraǵandy, Almaty oblystarynyń keı jerlerinde qatty ystyq bolady, Atyraý, Batys Qazaqstan oblystarynyń keı jerlerinde, Mańǵystaý oblysynyń ońtústiginde óte qatty ystyq bolýy yqtımal.
Qyzylorda, Túrkistan, Mańǵystaý, Jambyl oblystarynyń basym bóliginde, Almaty, Atyraý, Batys Qazaqstan, Aqtóbe, Qostanaı, Qaraǵandy, Aqmola oblystarynyń keı jerlerinde, Shyǵys Qazaqstan oblysynyń ońtústiginde tótenshe órt qaýpi saqtalady.