Qazaqstandyq ánshi Rýhııa Baıdúken Vıtebskide ótken «Slavıan bazary» halyqaralyq óner festıvaliniń bas júldesin jeńip aldy, dep habarlaıdy Egemen.kz BELTA basylymyna silteme jasap.
«Slavıan bazary» baıqaýynyń bas júldesin qazaqstandyq ánshi Rýhııa Baıdúkenge baıqaýdyń qazylar alqasynyń tóraǵasy Anatolıı Iаrmolenko tabystady. Baıqaýdyń jabylý saltanatynda Dımash Qudaıbergen óner kórsetti.
Rýhııa Baıdúken 1998 jyly Taldyqorǵan qalasynda dúnıege kelgen. Ol Qazaq Ulttyq óner ýnıversıtetinde «Estrada jáne vokal» mamandyǵynda oqıdy. Onyń daýysy tórt jarym oktavaǵa jetedi.
Aıta keteıik, «Slavıan bazary» baıqaýy 1992 jyldan beri ótkizilip keledi. 2015 jyly Dımash Qudaıbergen, al 2019 jyly – Ádilhan Makın Qazaqstan atynan qatysyp, bas júlde ıelengen edi.