Qazaqstannyń Ulttyq Banki aımaqtardaǵy ınflıasııa jaǵdaıyna taldaý jasady, dep jazady Egemen.kz.
Ulttyq banktiń málimdeýinshe, ınflıasııa 2021 jyly maýsymda 1,1% -dy qurady, Mamyrda - 0,7% bolatyn.
Azyq-túlik taýarlarynyń baǵasy bir aıda 1,7%, azyq-túlik emes taýarlardyki - 0,8%, aqyly qyzmetterdiki 0,7%-ǵa ósti.
Aı saıynǵy ınflıasııanyń jedeldeýi 14 aımaqta baıqaldy, báseńdeý - eki aımaqta, bir aımaqta ǵana baǵanyń ósý qarqyny ózgerissiz qaldy.
Osylaısha, Mańǵystaý oblysynda baǵanyń ósý qarqyny ózgerissiz qaldy (1,0%), al Jambyl jáne Túrkistan oblysynda, sáıkesinshe, 0,8% jáne 0,9% deıin tómendedi.
Maýsym aıynda ınflıasııanyń edáýir jedeldeýi Shyǵys Qazaqstan (1,5% deıin), Atyraý (1,5%) jáne Soltústik Qazaqstan (1,4%) oblystarynda baıqaldy. Jyldyq ınflıasııa 9 oblysta ulttyq deńgeıden joǵary bolyp shyqty. Olardyń ishinde eń joǵary kórsetkish Mańǵystaý, Atyraý jáne Aqtóbe oblystarynda tirkeldi.
Shyǵys Qazaqstan oblysynda sábizdiń (144,3%-ǵa) jáne kartoptyń (111,5%-ǵa) baǵasy óte qatty óskeni anyqtaldy. Sebebi basqa óńirlerde sábiz baǵasy - 86,3%, kartoptyki 40,7% ǵana ósken. Al Aqmola, Pavlodar, Atyraý, Qyzylorda jáne Aqtóbe oblystarynda sábiz eki eseden astam qymbattady.
Kartop baǵasynyń respýblıkalyq deńgeıden joǵary ósýi Pavlodar, Aqtóbe jáne Mańǵystaý oblystarynda baıqaldy. Jalpy qyzylsha 47,0% qymbattady, al maksımaldy ósim Batys Qazaqstan oblysynda tirkeldi (113,4%).
Jyl saıynǵy baǵanyń ósýine Almaty qalasy men Almaty oblysy úles qosýda. Bul aımaqtarda baǵanyń ósýi sáıkesinshe 7,4% jáne 7,7% qurady.