BIOOTYNNYŃ KELEShEGI QYZÝ TALQYLANDY

Keshe Parlament Senatynyń Tóraǵasy Qasym-Jomart Toqaevtyń tóraǵalyq etýimen palatanyń kezekti jalpy otyrysy boldy. Otyrysty asha kelip Tóraǵa Qostanaı oblysynan Senat depýtaty bolyp saılanǵan Jeńis Nurǵalıevti qyzmetine kirisýimen quttyqtady. J.Nurǵalıev Agrarlyq máseleler jáne qorshaǵan ortany qorǵaý komıtetiniń quramynda qyzmet etetin boldy. Kún tártibine sáıkes senator­lar birinshi kezekte “Qazaqstan Res­pýblıkasynyń Úkimeti men Armenııa Respýblıkasynyń Úkimeti arasyn­daǵy Investısııalardy kóter­meleý jáne ózara qorǵaý tý­raly kelisimdi ratıfıkasııalaý tý­raly” zań jobasyn qarap, qabyl­dady. Otyrysta, sonymen qatar, “Tur­ǵyn úı qatynastary týraly” Qazaqstan Respýblıkasynyń Z­a­ńy­na ózgerister men tolyqtyrýlar engizý týraly”, “Syrtqy barlaý týraly” jáne “Mádenıet týraly” Qa­zaqstan Respýblıkasynyń Za­ńyna  ózgerister men tolyqtyrýlar engizý týraly” zań jobalary da tal­qylandy. Birqatar tal­qy­laý­lardan keıin zań jobalary qabyl­dandy. Osyndaǵy sońǵy eki zań jobasy Senat pen Májilis ara­syndaǵy kelisý komıssııasynyń usynystary boıynsha qabyldandy. Senatorlar “Bıootyn óndirisin jáne aınalymyn  memlekettik retteý týraly” jáne “Qazaqstan Res­pýblıkasynyń keıbir zań­na­malyq aktilerine bıootyn óndirisin jáne aınalymyn memlekettik retteý máseleleri boıynsha ózgeris­ter men tolyqtyrýlar engizý tý­raly” zań jobalaryn qyzý talqyǵa saldy. Senatorlar B.Muhamed­ja­nov pen Ǵ.Qasymov zań jobalaryn talqylaý barysynda astyqty oblystardyń barlyq ónimderi bıootyn óndirýge arnalyp ketpesin degen qaýipti oılaryn ortaǵa saldy. Talqylaýǵa qatysqan Q.Aıtahanov, A.Bashmakov jáne О́.Baıgeldı bıootyn óndirý búgingi ómir talaby ekenin, biraq oǵan sapasy óte tómen daqyldar ǵana paıdalanylatyny týraly pikirlerin bildirip, zań jobasyna qoldaý bildirdi. Zań jobalaryn talqylaý barysynda bıootyn óndirisin damyta túsý jáne aınalymyn memlekettik retteýdiń ózekti máseleleri jan-jaqty talqyǵa salyndy. Talqylaý nátıjesinde zań jobalary birinshi oqylymda maquldanyp, ekinshi oqylymda qaraýǵa ázirleý úshin komıtetke tapsyrma berildi. Asqar TURAPBAIULY.