Qazaqstanda urlyq sany 22,6%-ǵa azaıdy. Bul týraly onlaın-brıfıngte Qazaqstan Respýblıkasy Ishki ister mınıstrliginiń resmı ókili Shuǵyla Turlybek málimdedi, dep jazady Egemen.kz.
«Krımınaldyq polısııa el Prezıdentiniń tapsyrmasy boıynsha erekshe baqylaýǵa alynǵan qylmyspen kúrestiń taǵy bir baǵyty týraly habarlady. Bul urlyqpen kúres. Ishki ister mınıstrligi qabyldaǵan sharalardyń nátıjesinde elde urlyq 22,6%-ǵa, naqty aıtqanda 36 842-den 28 534-ke azaıdy. Onyń ishinde páter tonaý 25,7%-ǵa, ıaǵnı 8293-ten 6160-qa deıin tómendegeni baıqaldy. Bul jarty jyldyq málimetter. Jyl basynan beri páterlerden urlyq jasaǵany úshin 2186 adam, onyń ishinde 110 qylmystyq top ustaldy», dedi Sh.Turlybek.