Qalanyń Sanıtarlyq-epıdemıologııalyq baqylaý departamentiniń málimetinshe, bıyl jyl basynan beri Almatyda 65 878 adam indet juqtyrǵan. О́tken 2 aptada buryńǵy 2 aptamen salystyrǵanda KVI derti 2,6 esege ósip, táýliktik ósim 1%-dan asty. Tek 1-18 shilde aralyǵynda KVI-diń 10 093 jaǵdaıy tirkeldi, bul pessımıstik boljamǵa sáıkes kelip otyr, dep habarlaıdy Egemen.kz.
– Qalalyq SEBD-niń mamandary aldaǵy 3 aıǵa, ıaǵnı 30 qyrkúıekke deıin sanıtarlyq-epıdemıologııalyq ahýaldyń damýyna boljam jasady. Bazalyq boljam boıynsha derttiń sharyqtaý shegi 3-4 tamyzǵa týra keledi, ári táýligine 1600-ge jýyq jańa jaǵdaı tirkelýi múmkin. Pessımıstik boljam boıynsha derttiń sharyqtaý shegi 10-11 tamyzǵa týra keledi, táýligine 1900 jańa jaǵdaı tirkelýi múmkin.
Bazalyq boljamǵa sáıkes 5-5,5 myń tósek oryn paıdalanylady, al pessımıstik boljamnyń sharyqtaý shegi boıynsha 6-6,5 myń tósek orynǵa artýy múmkin.
Demek, bazalyq ssenarıı boıynsha shildede 27,5 myń, tamyzda – 34,5 myń, qyrkúıekte – 4,5 myń KVI jaǵdaıy, al pessımıstik boljamǵa sáıkes shildede 29 myń, tamyzda – 49,5 myń, qyrkúıekte – 13,5 myń jaǵdaı. KVI jaǵdaıy tirkelýi múmkin, – deıdi mamandar.
О́z kezeginde mektep oqýshylarynyń offlaın oqýyn qamtamasyz etý úshin monıtorıng jumystary júrgizilýde jáne muǵalimder vaksınalanýda. Búginde muǵalimderdiń 97%-y I komponentpen, 67,9%-y II komponentpen vaksınalandy. Budan ózge, medısınalyq qyzmetkerlerdiń 97,3%-y I komponentpen, 67,3%-y II komponentpen vaksınalandy.
Sońǵy 2 aptadaǵy jas quramyn taldaý balalar men jasóspirimderde vırýstyń delta nusqasynyń tez juǵatynyn kórsetti. 14 jasqa deıingi balalardyń úles salmaǵy 1%-ǵa ósti. 20 jastan 40 jasqa deıingi azamattardyń dert juqtyrýy tómendedi. 40-59 jastaǵy naýqastardyń úles salmaǵy joǵary – 25%. Al, 60 jastaǵy adamdar arasynda juqtyrǵandardyń úlesi 1,1%-ǵa ósken.
Jumyspen qamtý boıynsha sońǵy 14 kúnde KVI ózin-ózi jumyspen qamtyǵandar arasynda joǵary – 41%, túrli JShS, JK, AQ jumysshylary arasynda – 17%, zeınetkerler arasynda – 16,4%, mektep oqýshylary arasynda – 9,2%, mektep jasyna deıingi balalar arasynda 6,4%, jalpy aýyrǵandar sanynyń 90%-y.
ALMATY