Búgin túnde elorda áýejaıynda «Vıtebskidegi Slavıan bazary» halyqaralyq baıqaýynyń jeńimpazy Rýhııa Baıdúkendi jankúıerleri kútip aldy, dep habarlaıdy Egemen.kz.
«Qazaq halqyna alǵysymdy aıtamyn. Eń bastysy, halqyńnyń mahabbatyn seziný, elińniń seni moıyndaýy emes pe? Jeńisimdi halqymmen birge toılaǵym keledi. Bul bala kezimnen bergi armanym edi. Búgin alǵa qoıǵan maqsatyma jettim», dedi Rýhııa Baıdúken elorda áýejaıynda.
Aıta keteıik, qazaqstandyq ánshi Rýhııa Baıdúken Vıtebskide ótken «Slavıan bazary» halyqaralyq óner festıvaliniń bas júldesin jeńip alǵan bolatyn.