Malıdiń ýaqytsha prezıdenti Assımı Goıtaǵa qastandyq jasaldy, dep habarlaıdy Egemen.kz Anadoly agenttigine silteme jasap.
Jergilikti buqaralyq aqparat quraldarynyń habarlaýynsha, pyshaqpen qarýlanǵan adam el astanasy Bamakonyń Úlken meshitinen shyǵa beriste kele jatqan Goıtaǵa shabýyl jasamaq bolǵan. Saıasatker Qurban aıtqa oraı meshitke barǵan.
Aqparatqa sáıkes, oqıǵa saldarynan jaqyn mańdaǵy bir er adam da jaraqat alǵan. Shabýyl jasaýshy ustaldy.
Aıta keteıik, 24 mamyrda Malıdiń О́tpeli keńesiniń vıse-prezıdenti jáne 2020 jyly eldegi áskerı tóńkeristi uıymdastyrýshy Assımı Goıta О́tpeli keńestiń basshysy Ba Ndao men premer-mınıstr Moktar Ýana bastaǵan birqatar joǵary laýazymdy tulǵalardy qyzmetinen bosatqan edi.
7 maýsymda Malıdegi tóńkeristen keıin bılikke kelgen Assımı Goıta memleket basshysy retinde resmı túrde qyzmetine kirisken.