Qurban aıt merekesine oraı elordanyń 3 myńnan astam muqtaj turǵyny qurbandyq etin alady. Bul týraly brıfıngte Nur-Sultan qalasynyń ishki saıasat basqarmasynyń bastyǵy Dáýren Babamuratov málimdedi, dep habarlaıdy Egemen.kz.
«Aǵymdaǵy jyldyń 20-22 shilde aralyǵynda musylmandardyń eń qasıetti merekeleriniń biri – Qurban aıt merekesin atap ótemiz. Elorda ákimdigi men múftııattyń birlesken kúshimen qurban2021.kz saıty arqyly onlaın-qurbandyq shalý uıymdastyryldy», dedi Dáýren Babamuratov.
Spıker qurbandyq shalý úshin arnaıy oryndardan ákelingen barlyq et, ákimdik qyzmetkerleri, eriktiler, qalalyq Qazaqstan halqy Assambleıasynyń ókilderi bul paketterdi bólýge, al avtovolonterler áleýmettik osal otbasylarǵa tasymaldaýǵa kómektesetinin atap ótti.
«Qurban aıtqa elordanyń 3 myńnan astam muqtaj turǵyny qurbandyq etin alady», dep málimdedi ishki saıasat basqarmasynyń bastyǵy.