Qazgıdromet elimizdiń tórt oblysynda aýa raıyna baılanysty daýyldy eskertý jarııalady, dep jazady Egemen.kz.
21-22 shildede kúndiz Qyzylorda oblysynda soltústikten jel soǵady. Keı jerlerde jeldiń kúshi 15-20 m/s deıin jetip, shańdy daýyl kútiledi. О́te joǵary órt qaýipi saqtalady.
Batys Qazaqstan oblysynda naızaǵaı oınaıdy. Jel ońtústik-batystan, ońtústikten soǵady, keı jerlerde 15-20 m/s deıin kúsheıedi. Oral qalasynda naızaǵaı oınap, jel ońtústik-batystan, ońtústikten soǵady, ekpini 18 m/s deıin jetedi.
Shyǵys Qazaqstan oblysynda naızaǵaı, kúndiz keı jerlerde burshaq kútiledi. Soltústik-shyǵystan, shyǵystan 15-20 m/s deıin jel turady.
22-23 shildede Qaraǵandy oblysynyń keı jelerinde naızaǵaı oınaıdy. Soltústik-shyǵystan, shyǵystan jel soǵady. Jyldamdyǵy keı jerlerinde 15-20 m/s bolady. Kúndiz 35 gradýsqa deıingi qatty ystyq saqtalyp, óte joǵary órt qaýipi saqtalady.