Qazaqstan Prezıdentiniń Halyqaralyq yntymaqtastyq jónindegi arnaıy ókili Erjan Qazyhan AQSh-qa jumys sapary barysynda birqatar kezdesýler ótkizdi, dep habarlaıdy Egemen.kz QR SIM baspasóz qyzmetine silteme jasap.
Aq úı, Memlekettik departament jáne AQSh Kongresi basshylyǵymen ótken kezdesýler barysynda kún tártibindegi aýqymdy máseleler, sonyń ishinde keńeıtilgen strategııalyq áriptestikti, saýda-ekonomıkalyq jáne ınvestısııalyq yntymaqtastyqty tereńdetý perspektıvalary, jahandyq qaýipsizdik salasyndaǵy ózara is-qımyl talqylandy.
«S5+1» dıalogy sheńberindegi óńirlik ózara is-qımyldy nyǵaıtý máseleleri erekshe nazarǵa alyndy.
Amerıkalyq tarap Memleket basshysy júrgizip jatqan saıası reformalardy joǵary baǵalap, olardyń is júzinde iske asyrylýyna járdemdesýge daıyn ekenin bildirdi.
Sondaı-aq, Qazaqstan men AQSh arasyndaǵy Keńeıtilgen strategııalyq áriptestikti tereńdetý týraly ýaǵdalastyqqa qol jetkizildi.
Eki el arasyndaǵy dıplomatııalyq qatynastardyń ornaǵanyna 30 jyl tolýyna arnalǵan is-sharalardy ótkizý josparlary talqylandy.