Nur-Sultandaǵy dámhanalardyń birinde jas jigit aqsha kýpıýrasyn aýystyrý syltaýymen 10 myń teńge ıemdengen. Osyǵan uqsas shema boıynsha kúdikti elordadaǵy úsh saýda oryndarynyń satýshylaryn aldaǵan, dep habarlaıdy Egemen.kz Polisia.kz-ke silteme jasap.
Oılaǵan isin ári jalǵastyrý maqsatymen qaskúnem qalanyń dúkenderinde azyq-túlik satyp alý arqyly ámııanynan 10 myń teńge kýpıýrasyn kórsetip, aqshany qolynan shyǵarmaǵan.
«Satyp alýshy» satýshynyń aqsha sanap jatqanyn paıdalanyp, ony áńgimelermen alańdatyp, qolyndaǵy aqshany qaıtadan ámııanyna salyp alǵan. Azyq-túlik dúkeninen azyq-túlik pen qalǵan aqshasyn alyp, qylmys ornynan jasyrynyp, 10 myń teńgeni paıda qylǵan.
Polısııa qyzmetkerleri jedel-izdestirý is-sharalary barysynda alaıaqtyq jasaǵan kúdiktini Qaraǵandy qalasynda ustady. Qazirgi ýaqytta kúdiktige qatysty «Alaıaqtyq» baby boıynsha qylmystyq is qozǵaldy.
Aıta keteıik, 29 jastaǵy kúdikti buryn esirtki qylmysy úshin sottalǵan bolyp shyqty.