О́ńirlik kommýnıkasııalar qyzmetinde ótken baspasóz konferensııasynda Qazaqstannyń Profılaktıkalyq medısına akademııasynyń prezıdenti Almaz Sharman habarlady. Ol halyqqa aǵzadaǵy antıdenelerdiń bolýy nemese bolmaýy týraly alańdamaýy kerek ekenindigin aıtady. О́ıtkeni koronavırýstan qorǵaýǵa múldem basqa ımmýndyq jasýshalar jaýap beredi, dep jazady Egemen.kz.
Ǵalym ınfeksııadan keıin jasýshalyq ımmýnıtettiń qarqyndylyǵyn tekserý qıyn dep esepteıdi.
«Biz ımmýndyq jasýshalardy «jad jasýshalary» dep ataımyz. Bul T-lımfosıti men V-lımfosıtteri, negizinen súıek kemiginde shoǵyrlanǵan, oǵan jetý úshin mańyzdy medısınalyq prosedýrany ótkizý qajet. Degenmen, mundaı zertteýler salystyrmaly túrde jaqynda júrgizildi. Osydan 2 aı buryn koronavırýs ınfeksııasyn juqtyrǵan, sodan keıin vaksına alǵan 70-ten astam adamǵa zertteý júrgizildi. Bul zertteýler jasýshalyq deńgeıde múmkin bolatyn ımmýndyq qorǵanys 12 aıǵa deıin nemese ómir boıy jetkilikti ekenin kórsetetin qyzyqty nátıjeler beredi», dedi A. Sharman.
Ǵalymnyń pikirinshe, antıdenelerdi anyqtaý kóbinese tıimsiz. О́ıtkeni negizgi ımmýndyq qorǵanys jasýshalyq deńgeıde. Vaksına jasýshalyq ımmýnıtetti on ese arttyrýǵa múmkindik beredi. Buryn baqylaý qıyn bolǵan, biraq zertteýlerdiń arqasynda otandyq ǵalymdar osyndaı mańyzdy tujyrymǵa keldi.
A.Sharmannyń aıtýynsha, vaksınadan buryn vırýsqa qarsy antıdenelerge taldaý jasaýdyń maǵynasy joq. Negizinen aýrýdan keıin jáne vaksınadan keıin ımmýndyq jaýap jasýshalyq deńgeıde damıdy.
«Antıdeneler belgili bir ról atqarady, olar ımmýndyq júıeniń «sarbazdary» retinde sizdiń aýyryp qalýyńyzdyń nemese vaksınanyń kórsetkishi bolýy múmkin. Biraq shynyn da naqty qorǵanys jasýshalyq deńgeıde ótedi», dedi A.Sharman.
Ǵalym koronavırýspen aýyryp, vaksına alǵan adamdarda jasýshalyq deńgeıde ımmýndyq qorǵanys on ese artatynyn aıtty. Bul óte tıimdi qorǵanys ádisi.