Tokıo Olımpıadasynda tennısshiler básekesi bastaldy. Qazaqstandyq sportshy Mıhaıl Kýkýshkınniń birinshi aınalymdaǵy oıyny oıdaǵydaı ótti, dep habarlaıdy Egemen.kz.
Búgin Mıhaıl Kýkýshkın argentınalyq Federıko Korııamen kezdesti. Eki setke sozylǵan match otandyq sportshynyń jeńisimen aıaqtaldy. Kýkýshkın 7:6, 7:5 esebimen kelesi kezeńge attandy.
Kezdesý uzaqtyǵy 2 saǵat 10 mınýtqa sozylǵan.
Kezekti aınalymda Kýkýshkın tennısshi belarýstik Ilıa Ivashkomen jarys jolyna shyǵady. Qarsylas tarap fransýz Gaelıa Monfısten úsh sette 6:4, 4:6, 7:5 esebimen basym túsken bolatyn.