Búgin, 25 shildede qazaqstandyq ziltemirshi Igor Son Olımpıada oıyndarynyń qola medalin jeńip aldy, dep habarlaıdy Egemen.kz.
«Oıymdy jınaqtaýǵa týra keldi. Qalaı ýaıymdaǵanymdy sózben jetkize almaımyn.
Shyny kerek, Tokıoǵa deıin mundaı salmaq kótergen emespin. Demek, bul meniń iri jarystarda kórsetken eń jaqsy nátıjem. Jattyǵý zalynda qarsylastardy baqylap otyrdyq. Basty qarsylasym ziltemirdi qısaıtyp alǵan kezde de ýaıymym kete qoımady. Bári bolýy múmkin ǵoı. Men julqa kóterýden jaqsymyn, dese de, serpe kóterýde biraz qıyndyq bar. Al tóreshiler eseptemeı qoıǵan eki múmkindikke keler bolsaq, ekeýinde de shyntaǵymnyń qozǵalany keri áser etti. Barlyǵy taza bolýy kerek.
Rahmet, Qazaqstan! Maǵan qoldaý kórsetkenderdiń bárine alǵys aıtamyn. Alǵa, Qazaqstan», dedi Son Olımpıada oıyndarynan alǵan áserlerimen bólisip.