Ázirbaıjanda vaksına pasportyn tekserýge arnalǵan mobıldi qosymsha tanystyryldy, dep jazady Egemen.kz.
Qosymshany Ázirbaıjan Respýblıkasynyń Prezıdenti janyndaǵy Azamattarǵa qyzmet kórsetý jáne áleýmettik ınnovasııalar jónindegi memlekettik agenttiktiń «Elektrondyq úkimetti damytý ortalyǵy» ázirlegen.
1 qyrkúıekten bastap iske qosylatyn mobıldi qosymshany isazá.e-gov.az portaly arqyly anyqtalǵan ýákiletti adamdar paıdalana alady. Qoldanba ýákiletti tulǵaǵa qujattyń QR kodyn tekserý nemese jeke kýáliktiń málimetterin engizý arqyly COVID pasportynyń nemese ımmýnıtet sertıfıkatynyń jaramdylyǵyn tekserýge múmkindik beredi.
Elektrondyq úkimetti damytý ortalyǵynyń dırektory Farız Djafarovtyń aıtýynsha, eger adamnyń qolynda vaksına pasporty bolmasa, ony FIN nómiri arqyly tekserýge bolady.
«Eger azamatta COVID tólqujaty bolmasa, onda ekranda birden eskertý paıda bolady jáne bul adam Mınıstrler Kabınetiniń qaýlysynda kórsetilgen oryndarǵa jiberilmeıdi», dep atap ótti F. Djafarov.