Qostanaı oblysynyń sybaılas jemqorlyqqa qarsy is-qımyl departamenti jarty jyl ishinde 42 qylmystyń betin ashqan. Onyń 39-y sybaılas jemqorlyqqa qatysy bar qylmysqa jatady. Bul jóninde atalmysh departamenttiń basshysy Qýanysh Bekbasov «Antikor.LIVE» jobasy aıasyndaǵy tikeleı efır barysynda aıtty.
«Aımaqta sybaılas jemqorlyqqa qatysty qylmys túrleri jyldan jylǵa azaıyp keledi. Mysaly, 2020 jylǵy alǵashqy jartyjyldyq ishinde 86 qylmys anyqtalǵan. Onyń 73-i sybaılas jemqorlyqqa jatady. Bıylǵy kórsetkish budan eki ese tómen. Jyl basynan beri oblysta 22 adam qylmystyq jaýapkershilikke tartyldy. Onyń ishinde túrli deńgeıdegi 7 basshy bar. О́tken jyly 5 basshy jaýapkershilikke tartylǵan bolatyn. Sonymen birge bıyl memleketke keltirilgen zalaldy óteý kóleminiń eki ese ulǵaıǵanyn aıta ketken jón. Máselen, memleket paıdasyna byltyr 330 mln teńge óndirilip alynsa, bıyl bul kórsetkish 706 mln teńgege jetti», dedi Q.Bekbasov.
Departament basshysy óńirdegi sybaılas jemqorlyq deńgeıiniń azaıýyn ár salada tıimdi júrgizilip jatqan qylmystyń aldyn alý sharalarynyń nátıjesi dep túsindirdi.
Qostanaı oblysy