Qazaqstandyq pedagogtardan «Qazaqstan muǵalimi» ulttyq syılyǵyna qujattar qabyldaýdyń jabylýyna eki aptadan astam ýaqyt qaldy. Jobany ótkizý tarıhy jaıly «Qoǵamdyq mańyzy bar bastamalardy damytý qory» JQ tóraǵasy Ermek Majıtov Ortalyq kommýnıkasııalar qyzmetinde ótken brıfıngte baıandady, dep habarlaıdy Egemen.kz.
«Bizdiń ustazdarymyz álemdik syılyqtarǵa, álemdik deńgeıde tanylýǵa laıyqty dep sanaımyz. «Qazaqstan muǵalimi» ulttyq syılyǵy úshinshi maýsym boıy ótkizilip otyr. Muǵalimderden ótinimderdi qabyldaý sáýir aıynan 15 tamyzǵa deıin jalǵasady. Árbir muǵalim osy jobaǵa óz betinshe qatysa alady, óz ótinimderin mektep ákimshiliginiń sheshiminsiz nemese qatysýynsyz, bólim nemese bilim basqarmasy nemese Bilim mınıstrligi tarapynan berilgen usynymdarsyz bere alady
Táýelsiz sýdıalar Akademııasynyń kómegimen top-50 muǵalim iriktelip alynady, sodan keıin 10 fınalıst anyqtalady, olar 24 qyrkúıekte Almaty qalasynda ótetin syılyqpen marapattaý rásimine shaqyrylady. Jeńimpazdar men 10 fınalıst «Álem muǵalimi 2022» jahandyq syılyǵynyń nomınanttary atanady», dedi spıker.