QR Bas memlekettik sanıtarııalyq dárigeriniń 2021 jylǵy 29 shildedegi №33 Qaýlysymen, Qazaqstanda «Qońyr-qyzyl» aımaq paıda boldy, dep jazady Egemen.kz Sanıtarııalyq-epıdemıologııalyq baqylaý komıtetine silteme jasap.
«Qońyr-qyzyl» aımaq - táýekel deńgeıi óte joǵary aımaq (ınfeksııalyq tósek-oryndarmen toltyrylý kórsetkishi 70% - dan joǵary jáne 100 myń turǵynǵa shaqqanda 200-den astam tósek-orynmen toltyrylý kórsetkishi kezinde)», dep túsindirilgen Qaýlyda.
Qaýlyǵa sáıkes, 2 tamyzdan bastap «qońyr-qyzyl» aımaqta demalys kúnderi shekteý sharalary engiziledi.
Atap aıtqanda, Nur-Sultan, Almaty, Shymkent, Atyraý jáne Qaraǵandy qalalarynda 2021 jylǵy 2 tamyzdan bastap:
1) ortalyq memlekettik organdardy, ákimdikterdi, quqyq qorǵaý organdaryn, densaýlyq saqtaý uıymdaryn, BAQ-ty, azyq-túlik dúkenderin, dárihanalardy jáne tirshilikti qamtamasyz etý uıymdaryn, sondaı-aq osy tarmaqtyń 4) tarmaqshasynda kórsetilgen uıymdardy qospaǵanda, menshik nysandaryna qaramastan, «Ashyq»-qa qatyspaıtyn barlyq kásiporyndar men uıymdardyń qyzmetin toqtatatylady;
2) oıyn-saýyq, sporttyq jáne basqa da buqaralyq is-sharalardy, sondaı-aq otbasylyq, estelik is-sharalardy ótkizýge tyıym salynady;
3) memlekettik organdardyń (uıymdardyń), keńselerdiń, ulttyq kompanııalardyń jáne ózge de uıymdardyń qyzmetkerleriniń (vaksınasııalanǵan jáne sońǵy 3 aı ishinde aýyryp saýyqqan adamdardy qospaǵanda) 80%-y úshin qashyqtyqtan jumys isteý nysany saqtalady.