BUU COVID-19-dyń taralýy boıynsha álemdegi jaǵdaıdy taldaý negizinde, eń kedeı memleketterdiń biri - Mıanma ınfeksııa oshaǵyna aınalýy múmkin ekenin aıtty, dep habarlaıdy Egemen.kz.
Bul jónindegi QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalynda jarııalandy.
«Mıanma COVID-19 taralýynyń asa qaýipti oshaǵyna aınalyp keledi. Atalǵan elde vırýstyń asa juqpaly ári qaýipti jańa nusqalary – «delta» jáne ózge shtamm túrleri taralǵan», dedi BUU Arnaıy baıandamashysy Tom Endrıýs.
Mıanmanyń Bangladesh, Úndistan jáne Qytaı memleketterimen ortaq shekarasy bar ekenin atap ótildi.