Tokıo Olımpadasynda sporttyq gımnastıkadan jekelegen snarıadtar boıynsha fınaldyq kezeń bastaldy. Búgin erkin jattyǵýdan Olımpıada chempıondary men júldegerleri anyqtaldy, dep jazady Egemen.kz Olympic.kz saıtyna silteme jasap.
Bul jattyǵýdyń fınaldyq kezeńinde qazaqstandy Mılad Karımı de synǵa túsken bolatyn. Karımı óz baǵdarlamasyn oryndaý barysynda kishigirim qatelikter jiberip, 14.133 upaı jınady.
Jarys nátıjesi boıynsha qazaqstandyq gımnast besinshi orynǵa turaqtady. Erkin jattyǵýdan Olımpıada chempıony ataǵyn ızraıldik Artem Dolgopıat enshiledi. Kúmis júldeni ıspanııalyq Reıderleı Zapata, qolany qytaılyq Sıao Rýteng ıelendi.
Aıta ketelik, bul sporttyq gımnastıkdan Qazaqstan komandasy ókilderiniń Olımpıada oıyndarynda kórsetip otyrǵan eń úlken nátıjeleriniń biri. Ásirese, Mılad Karımı erkin jattyǵýdan Olımpıadada úzdik bestikke engen alǵashqy qazaqstandyq gımnast.
Ol Tokıo Olımpıadasyndaǵy kópsaıys qorytyndysy boıynsha 14-shi orynǵa turaqtady. Endi Karımı gımnastıkalyq kerme boıynsha Olımpıada júldesine talasady.