Elordalyq dárigerler qala aýrýhanalaryndaǵy qazirgi jaǵdaıǵa alańdap, turǵyndarǵa úndeý jasady, dep habarlaıdy Egemen.kz.
Aýrýhanalarda jasandy tynys alý apparatynda 40 adam jatyr. Olar ózdiginen dem ala almaıdy. Tek vaksınasııa ózińizdi jáne jaqyndaryńyzdy qorǵaýǵa, ujymdyq ımmýnıtetti qalyptastyrýǵa múmkindik beredi.
«О́tken táýlikte ǵana ınfeksııalyq stasıonarlarǵa 178 adam jatqyzyldy. Tósek-oryn birden tolyp ketti. Ár ekinshi naýqasqa ottegi konsentratory qajet, olar ınvazıvti emes jeldetý qurylǵysyna nemese jasandy tynys alý apparatyna qosylǵan», deıdi juqpaly aýrýlar aýrýhanasynyń medısına qyzmetkerleri.
Dárigerler vaksına almaǵan, sanıtarııa talaptaryn elemeıtin, saltanatty is-sharalarǵa qatysyp nemese uıymdastyrǵan naýqastar kóbine aýyr jaǵdaıda túsetinin aıtty.
«Bir ret erli-zaıypty aýrýhanaǵa tústi. Biz tekserý júrgize bastaǵanda olar jaqynda ǵana kóp adam jınalǵan mereıtoıǵa barǵanyn moıyndady. Biraq er adanyń jaǵdaıy nasharlap ketken edi. Kózderine jas alyp, «jıynǵa barmaǵanda bári jaqsy bolar edi» dep ókindi. Bulaı basyńyzdy qaterge tikpeńizder», deıdi juqpaly aýrýlar dárigeri Gúlbahyt Ádıjanova.
2 tamyzdaǵy jaǵdaı boıynsha Nur-Sultan qalasynyń ınfeksııalyq stasıonarlarynda 2 903 pasıent jatyr. Reanımasııada - 260 adam, jasandy tynys alý apparatynda - 40 pasıent. Qazirgi ýaqytta COVID-19-ben kúresý úshin qalada 16 stasıonar jáne 6 myńnan asa medısına qyzmetkeri jumys isteıdi.