Bul týraly oblystyq polısııa departamentiniń baspasóz qyzmeti málim etti, dep habarlaıdy Egemen.kz.
Atyraý qalasyndaǵy emhananyń eki medbıkesi pasıentterdiń vaksına alǵany týraly jalǵan aqparatty engizgeni anyqtalyp otyr.
«Polısııa departamenti men oblystyq prokýratýra qyzmetkerleriniń birlesken jedel is-sharasy kezinde 1989 jáne 1993 jyly týǵan eki medbıke ustaldy. Olar vaksınanyń ár komponentine 50 myń teńge, eki komponent úshin 100 myń teńgeni banktik esepshotyna aýdartyp otyrǵan. Aqshasyn aýdarǵan turǵyndar emhanaǵa kelip, vaksına almaı-aq vaksına pasportyn alyp júrgen. Medbıkeniń biri jalǵan aqparatty júıege engizip, ekinshisiniń vaksına suıyqtyǵyn quıtyrqy áreketpen pasıentke ekpegeni anyqtaldy», dep habarlady departamenttiń baspasóz qyzmeti.
Qazir kúdikti medbıkelerge qatysty QR Qylmystyq Kodeksiniń 206-babynyń 1-bóligimen sotqa deıingi tergeý júrip jatyr.