Semeı qalasynda «KamAZ» ben jeńil kólik soqtyǵysyp, 1 adam zardap shekti, dep habarlaıdy Egemen.kz ShQO TJ departamentiniń baspasóz qyzmetine silteme jasap.
Jol-kólik oqıǵasy búgin Semeıdegi Selevın-Tıtov kósheleriniń qıylysynda oryn alǵan.
«Búgin, 3 tamyzda «VAZ 2109» jáne «KamAZ» markaly avtokólikter betpe-bet soqtyǵysty. «VAZ 2109» kóliginiń júrgizýshisi kabınada qysylyp qalǵan. Oqıǵa ornyna №2 mamandandyrylǵan órt sóndirý bóliminiń qyzmetkerleri shuǵyl jetti. Olar gıdravlıkalyq quraldyń kómegimen er adamnyń aıaǵyn bosatty. Zardap shekken azamat emhanaǵa jetkizildi», dep habarlady vedomstvo ókilderi.