Chehııanyń batysynda, Domajlıse mańyndaǵy Mılavse eldi mekeninde eki jolaýshy poıyzy soqtyǵysty. Polısııa ondaǵan adamnyń jaraqattanyp, eki kisiniń mert bolǵanyn habarlady, dep jazady Egemen.kz BBC-ge silteme jasap.
Praga men Mıýnhen arasynda júretin «Batys ekspresi» men taǵy bir jolaýshy poıyzy soqtyǵysqan. Apat jergilikti ýaqyt boıynsha tańǵy 8-den óte bolǵan.
ChKT agenttiginiń málimetine sáıkes, zardap shekkenderdiń kem degende jeteýiniń jaǵdaıy aýyr, al 31 adamnyń jaraqattary odan jeńilirek.
CT24zive telearnasynyń dereginshe, Domajlısedegi aýrýhana temirjol apatynan zardap shekkenderge oryn bosatý úshin barlyq josparlanǵan otalardy keıinge qaldyrǵan.