Qazaqstannyń 19 mıllıonynshy turǵyny atanǵan náreste Janııa Azamatqyzynyń otbasyna mıllıon teńge kóleminde sertıfıkat tabys etildi, dep habarlaıdy Egemen.kz Almaty oblysynyń óńirlik kommýnıkasııalar qyzmetine silteme jasap.
Janııanyń ata-anasyn quttyqtaýǵa Almaty oblysy ákiminiń orynbasary Arslan Dandybaev pen Ile aýdanynyń ákimi Baǵdat Qarasaev keldi. Olar otbasyn sábıdiń dúnıege kelýimen quttyqtap, Almaty oblysynyń ákimi Amandyq Batalovtyń atynan alǵys hat pen 1 000 000 teńge sertıfıkatyn, sondaı-aq balalarǵa syılyq berdi.
Aıta keteıik, 20 maýsymda Almatynyń perınataldyq ortalyǵynda Qazaqstannyń 19 mıllıonynshy turǵyny dúnıege keldi. Náreste - Almaty oblysy Ile aýdany, Chapaevo aýylynda turatyn 1982 jyly týǵan Azamat Nurǵalıev pen 1986 jyly týǵan Nazgúl Kóbentaevanyń tórtinshi perzenti.