«Qazgıdromet» RMK-sy tamyzdyń 5-si kúngi aýa raıy boljamyn jarııalady, dep habarlaıdy Egemen.kz.
Kásiporyn taratqan málimetterge qaraǵanda, 5 tamyz kúni Qazaqstannyń basym bóliginde atmosferalyq frontaldy bólikterdiń áserinen jańbyr jaýyp, naızaǵaı oınaıdy. Elimizdiń ońtústiginde jáne ortalyǵynda ǵana kún jaýyn-shashynsyz, ystyq bolady.
Respýblıka boıynsha keı jerlerde tuman túsip, jel kúsheıedi, ońtústikte shańdy daýyl turady.
Jambyl, Shyǵys Qazaqstan, Pavlodar oblystarynda, tańerteń jáne kúndiz Túrkistan, kúndiz Qyzylorda, Atyraý, Batys Qazaqstan, Qostanaı oblystarynyń keı jerlerinde jel 15-20 m/s jyldamdyqpen soǵady. Jambyl, Túrkistan, Qyzylorda, Atyraý, Batys Qazaqstan oblystarynda shańdy daýyl turyp, Shyǵys Qazaqstan, kúndiz Jambyl oblysynyń keı jerlerinde burshaq jaýady.
Mańǵystaý oblysynyń jaǵalaýynda, Soltústik Qazaqstan oblysynyń keı jerlerinde tuman túsedi.
Kúndiz Atyraý oblysy, Mańǵystaý, Aqtóbe oblystarynyń keı jerlerinde óte qatty ystyq bolady. Kúndiz Almaty, Jambyl, Qyzylorda, Túrkistan, Qostanaı oblystarynyń basym bóliginde, Qaraǵandy, Batys Qazaqstan oblysynyń keı jerlerinde qatty ystyq bolady.
Qyzylorda, Túrkistan, Mańǵystaý, Atyraý, Jambyl, Aqtóbe oblystarynyń basym bóliginde, Qaraǵandy, Almaty, Batys Qazaqstan, Qostanaı oblystarynyń keı jerlerinde, Shyǵys Qazaqstan oblysynyń ońtústiginde, Aqmola oblysynyń jekelegen aýdandarynda tótenshe órt qaýpi saqtalady.