Shyǵys Qazaqstan oblysynda stýdentterge arnalǵan 7 jataqhana salynyp jatyr, dep jazady Egemen.kz.
Bul jaıly oblystyq máslıhattyń kezekti sessııasynda depýtattarǵa aımaqtyń áleýmettik-ekonomıkalyq damýy jóninde esep bergen ShQO ákimi Danıal Ahmetov aıtty.
«Bilim salasynda atqarylyp jatqan jumystardyń aýqymy zor. Máselen, bıyl oblys boıynsha úsh jańa mektep salynyp jatyr. Balalardyń qaýipsizdigine de erekshe nazar aýdarylýda. Tehnıkalyq jáne kásiptik bilim berý salasynda kásiptik bilim alatyn stýdentterdi tájirıbeden ótkizetin 10 ortalyq qurylmaq. Iаǵnı, stýdentter teorııalyq bilimmen qatar tájirıbelerin de jetildirip, eńbekpen shyńdalady», dedi aımaq basshysy.
Ákimniń aıtýynsha, stýdentter oqýdy aıaqtaǵannan keıin birden kásiporyndarǵa jumysqa ornalasa alatyn bolady.
Sondaı-aq búgingi tańda óńirde stýdentterge arnalǵan jeti jataqhananyń qurylysy júrgizilip jatyr.