Inder aýdanynda jurt kóp baratyn tuzdy kól men jasandy karerler bar. Endi oǵan barýǵa tyıym salyndy, dep habarlaıdy Egemen.kz.
Kólge jetý úshin aýdan ortalyǵy – Inderbor kentinen 12, al, «Inder-Qarabaý» tas jolynan 1,5 shaqyrym jol júrý qajet. Mamandardyń aıtýyna qaraǵanda, bul kól jyl saıyn jer asty sýlarymen aǵyp keletin 1,5 mln tonna tuzdy eritindimen tolyǵady. Sý quramynda 22 túrli hımııalyq element bary naqtylanǵan. Kóldiń tereńdi 50 metrden kem emes. Al jalpy aýmaǵy 110,5 sharshy shaqyrymdy, uzyndyǵy 40 kılometrdi quraıdy.
«Inder aýdanynyń bas memlekettik sanıtarııalyq dárigeriniń qaýlysyna sáıkes, demalýshylardyń shamadan tys jınalýyna baılanysty 28 shildede tuzdy kólge, sondaı-aq jasandy karerlerge barýǵa tyıym salynǵan bolatyn. Qazir aýdanda epıdemıologııalyq ahýal kúrdelenip otyr. Sondyqtan, 3 tamyzdan bastap atalǵan jerler jabylyp, aýdandyq polısııa bólimi men mobıldik top músheleri turaqty túrde reıd júrgizedi», dep habarlady aýdandyq ákimdikten.