Aqtaýda segiz aılyq balanyń ata-anasy oblystyq balalar aýrýhanasynyń medbıkelerin jumysta nemquraılylyq tanytqanyna narazy, dep habarlaıdy Egemen.kz.
Bul týraly Lada.kz basylym málimdedi.
Náresteniń anasynyń aıtýynsha, 26-shaǵyn aýdanda ornalasqan oblystyq balalar aýrýhanasynyń medbıkeleri sýrette kórsetilgendeı, 8 aılyq balanyń qolyn qalaı bolsa solaı tańǵan. Saldarynan balanyń qoly kógerip, qanaı bastaǵan. Balanyń qoly kúıip qalǵan soń, 3 tamyzda olar aýrýhanaǵa ekinshi ret tańý úshin kelipti.
«Eki medbıke ulymnyń sol qolyn tańyp, baılap berdi. Meni prosedýralyq kabınetke kirgizbedi. Odan keıin biz úıge kettik. Aýrýhanadan shyqqan kezde, ulymnyń qoly azdap qanaı bastady. Men jańa ǵana tańylǵandyqtan qanaǵan shyǵar dep oıladym. Uıyqtar aldynda ulymnyń qolyn qaıta tańaıyn dep edim, baılamdy ońaılyqpen sheshý múmkin bolmady. Balamnyń qoly kógerip ketken jáne qanaǵan eken. Men qatty qorqyp kettim. Medbıkeler jasap bergen tańǵyshtyń saldarynan balamnyń qoly osyndaı kúıge jetti: kógerip, qanap, isip ketken», deıdi ana.
Jas ananyń aıtýynsha, kelesi kúni tańerteń ol aımaqtyq Densaýlyq saqtaý basqarmasyna shaǵymdanǵan.
«Basqarmada bizdi tyńdady, sodan keıin biz 26-shaǵyn aýdandaǵy balalar aýrýhanasyna birge bardyq. Sol jerde biz balamnyń qolyn túsirip alǵan fotosýretter men vıdeolardy kórsettik. Tańýǵa deıin balamnyń qoly jaqsy kúıde edi. Biraq aýrýhananyń travmatology medbıkeleri úshin keshirim suraýdyń ornyna ózimizdi aıyptady. Balany durys qaramaı, kúıdirdińder dedi. О́z medbıkelerin qorǵap, tańǵyshty talaptarǵa saı baılap bergenin dáleldep baqty. Meniń oıymsha, olar óz jumysyn nemquraıly oryndady. Balanyń qolynan aıyrylyp qala jazdaǵanyn túsinbeıdi», dep shaǵymdandy balanyń anasy.
Endi jas ana aımaqtyń Densaýlyq saqtaý basqarmasyna aryz jazyp, medbıkelerdi jaýapqa tartýdy surap otyr. Onyń pikirinshe, mundaı medısınalyq qyzmetkerler balalar úshin qaýipti.