28 shilde men 6 tamyz aralyǵynda Túrkııada 208 orman órti shyqty. Búgingi tańda sonyń 196-sy aýyzdyqtaldy, dep jazady Egemen.kz Anadoly agenttigine silteme jasap.
«09.45 jaǵdaı boıynsha, memlekettiń barlyq múmkindigin jumyldyrý nátıjesinde 28 shilde men 6 tamyz aralyǵynda bolǵan 208 órttiń 196-sy baqylaýǵa alyndy», dep jazylǵan Túrkııanyń orman sharýashylyǵy bas basqarmasynyń Twitter paraqshasynda.
Eldiń aýyl sharýashylyǵy jáne orman sharýashylyǵy mınıstri Bekır Pakdemırlıdiń aıtýynsha, tabıǵı apatpen kúresýge 16 ushaq, 56 tikushaq, 850 sýarý kóligi jáne avtosısterna tartylǵan.