Atyraý oblysynda ornalasqan Teńiz kenishinde 9 maýsymnan bastap vahtalyq aýysym ýaqytsha toqtatylady, dep jazady Egemen.kz.
«Teńizshevroıl» JShS baspasóz qyzmetinen málim etkendeı, qyzmetkerlerdiń densaýlyǵy men qaýipsizdigin saqtaý úshin osyndaı sheshim qabyldanǵan.
«Osyǵan baılanysty «Teńizshevroıl» qyzmetkerler arasynda COVID-19 aýrýynyń taralýyn azaıtý úshin 2021 jyldyń 9 tamyzynan bastap «Teńiz» kenishindegi jedel emes qyzmetkerlerdiń vahtalyq aýysymyn jáne qaıta mobılızasııasyn ýaqytsha toqtatady. Atalǵan ýaqytsha sharanyń «Teńiz» kenishinde júrgizilip jatqan josparly jóndeý jumystaryna qatysatyn qyzmetkerlerge qatysy joq» dep málim etti kásiporynnyń baspasóz qyzmetinen.
«Teńiz» kenishinde vırýstyń taralýyn boldyrmaý úshin qaýipsizdik sharalary, onyń ishinde qyzmetkerlerdi «bólek jaıǵastyrý» (turǵyn úılerde, kólikte jáne jumys oryndarynda), PTR-synamasy men oqshaýlaý sharalary burynǵysha saqtalady.
«Ken ornyna jumysqa tartylǵan jumysshylar arasynda vaksınalaý baǵdarlamasy jalǵasyp jatyr. Qazir koronavırýs ınfeksııasyna qarsy vaksınanyń alǵashqy komponentin saldyrǵan qyzmetkerler sany 45 000-nan asty. «Teńizshevroıldyń» óndiristik qyzmeti úzdiksiz jalǵasýda. Kompanııa Keleshek keńeıý-Uńǵy erneýindegi qysymdy basqarý jobasyna baılanysty jumystardy qaýipsiz oryndaýǵa erekshe mán berip otyr» dep habarlady baspasóz qyzmeti.