Arqalyq polıseıleri turǵyndardan tórt kıik múıizin tárkiledi, dep jazady Egemen.kz Polisia.kz-ke silteme jasap.
2021 jylǵy 4 tamyzda Arqalyq qalasy Polısııa basqarmasynyń ýchaskelik polısııa ınspektorlary jergilikti turǵynnyń ótinishi boıynsha joǵalǵan maldy izdestirdi.
Túngi saǵat 03:00-ge jýyq tártip saqshylary dalada motosıklmen Ekidiń aýylyna baǵyttylǵan eki er adamdy kórdi. Aýylǵa kirip, aýlalardyń biriniń janynda polısııa qyzmetkerleri motosıkldi baıqady. Úıge irgeles aýmaqty tekserý barysynda polısııa qyzmetkerleri joldorbanyń ishinen janýardyń tórt múıizin (kıik múıizi), sondaı-aq «Baıkal» markaly myltyqty jáne patrondardy tapty jáne tárkiledi.
Qazirgi ýaqytta atalǵan fakti boıynsha qylmystyq kodekstiń 339-babynyń 1-bóligi (Sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan ósimdikter men janýarlar túrlerin, olardyń bólikteri men derıvattaryn zańsyz paıdalaný) boıynsha sotqa deıingi tergeý júrip jatyr. Saraptama taǵaıyndaldy.
Jyl basynan beri Qostanaı polıseıleri 100-den astam kıik múıizin tárkiledi, barlyq fakti boıynsha qylmystyq is tirkeldi.