Túrkistan oblysy ákimdigi ókilderi Arystaǵy órttiń aldyn ala sebebin atady, dep habarlaıdy Egemen.kz.
Evakýasııa men ýaqytsha ornalastyrý úshin 4 evakýasııalyq pýnkt ashylǵan. Túrkistan oblystyq TJD shuǵyl jeli ashqan. 19.22-de órt oqshaýlanǵan.
«Qazirgi ýaqytta búlingen temirjol platformasynan konteınerlerdi túsirý jumystary júrgizilip jatyr. О́rt 6 tamyzda saǵat 19.22-de aýyzdyqtalyp, 21.55-te sóndirildi. Sý tógilip, konteınerler bosatylyp jatyr», dedi óńir ákimdiginiń ókilderi.
Sanıtarlyq-epıdemıologııalyq qyzmet órt joıylǵannan keıin aýa synamasyn alatyny aıtylady. О́rttiń boljanyp otyrǵan sebebi - rezervýardan aǵyp ketken sary fosfordyń ózdiginen janýy.
Polısııa departamenti 6 blokbeket uıymdastyrdy, apat oryndary men eldi mekenniń aýmaǵy qorshaldy.
«Oqıǵa basqa poıyzdarǵa áser etpedi. Qazirgi ýaqytta TJD 26 qyzmetkeri men 5 tehnıka jumyldyryldy. QTJ-nyń 12 qyzmetkeri jáne bir dana tehnıka men órt sóndirý poıyzy tartydy. Sondaı-aq, Arys qalasynyń jelilik polısııa bóliminiń qyzmetkerleri jumyldy. Sondaı-aq 44/859 ÁB áskerı bóliminiń áskerı qyzmetshileri 8 adam jáne 2 dana tehnıka. Oqıǵa ornyna sanıtarlyq-epıdemıologııalyq baqylaý beketi qoıyldy. Zardap shekkender joq», dedi Túrkistan oblysy TJD bastyǵynyń orynbasary Erik Sarybaev.
«Aldyn ala aqparat boıynsha, konteınerde sary fosfor bar», dep qosty ol.
Sary fosfor - ýly zat. Aýada ońaı totyǵady jáne ózdiginen tutanady. Ol qorshaǵan ortaǵa jáne adam densaýlyǵyna zııanyn tıgizedi.
Keıinirek, Túrkistan oblysy ákiminiń orynbasary Sáken Qalqamanov Arysta yqshamaýdan turǵyndary evakýasııalanatynyn habarlady.