«Qazgıdromet» mamandary 8 tamyzǵa arnalǵan aýa raıy boljamyn usyndy, dep habarlaıdy Egemen.kz.
Soltústik-batys sıklony respýblıkanyń basym bóliginde aýa raıynyń turaqsyz sıpatyna sebepshi bolady.
Keı jerlerde jańbyr jaýady, naızaǵaı oınaıdy.
Soltústik jáne soltústik-shyǵysta qatty jańbyr, burshaq jaýady, daýyl bolady.
Batys jáne ońtústik-batys óńirlerge antısıklon aýysady, sonyń áserinen jaýyn-shashyn jaýmaıdy.
Respýblıka boıynsha keı jerlerde jel kúsheıedi, ońtústikte shańdy daýyl soǵady.
Aqmola, Pavlodar, Qaraǵandy oblystarynyń keı jerlerinde naızaǵaı, burshaq, daýyl kútiledi. Jel ekpini - 15-20 m/s. Qaraǵandy oblysynda jel qarqyny 25 m/s deıin kúsheıedi.
Kúndiz Jambyl oblysynyń taýly aımaqtarynda naızaǵaı jarqyldaıdy, burshaq jaýady.
Keı jerlerde jel jyldamdyǵy 15-20 m/s jetedi, shańdy daýyl turady.
Túrkistan, Batys Qazaqstan, Qostanaı, kúndiz Qyzylorda oblystarynyń keı jerlerinde jel ekpini - 15-20 m/s.
Qyzylorda, Túrkistan oblystarynyń keı jerlerinde shańdy daýyl kútiledi.
Shyǵys Qazaqstan oblysynda kúndiz keı jerlerde naızaǵaı kútiledi, jeldiń kúshi 15-20 m/s jetedi.
Soltústik Qazaqstan oblysynyń keı jerlerinde naızaǵaı oınaıdy, túnde jáne tańerteń keı jerlerde tuman túsedi.
Almaty oblysynyń taýly aýdandarynda kún kúrkireıdi.
Kúndiz Atyraý oblysynyń keı jerlerinde aptap ystyq bolady.
Kúndiz Mańǵystaý, Batys Qazaqstan, Jambyl, Qyzylorda, Túrkistan oblystarynyń basym bóliginde, Qaraǵandy oblysynyń keı jerlerinde, Aqtóbe oblysynyń ońtústiginde qatty ystyq saqtalady, Mańǵystaý, Batys Qazaqstan oblystarynyń ońtústiginde óte qatty ystyq saqtalady.
Qyzylorda, Túrkistan, Mańǵystaý, Atyraý, Jambyl, Aqtóbe oblystarynyń basym bóliginde, Qaraǵandy, Almaty, Batys Qazaqstan oblystarynyń keı jerlerinde, Qostanaı, Shyǵys Qazaqstan oblystarynyń ońtústiginde, Aqmola oblysynyń jekelegen aýdandarynda tótenshe órt qaýpi saqtalady.